Troya
Proxecto de instalación.
Localización: Espazo público en cidades afectadas pola masificación turística.
Materiais: Estructura de cable fino dando a idea de transparente e led.
Idea do proxecto: 2015. A base sobre a que senta a escultura son paneis fotovoltaicos para que o seu impacto enerxético sexa o mais sostenible posível.
Estou plenamente comprometido coa creación de arte que inspire e provoque reflexión, e creo firmemente no poder da colaboración para alcanzar estes obxectivos. Por iso, estou aberto e interesado en establecer alianzas con institucións e/ou socios que compartan esta visión, co fin de desenvolver e implementar o proxecto "Troya". Se a súa organización está interesada en explorar neste proxecto, por favor entra en contacto conmigo para discutir como podemos traballar xuntos e facer realidade estas ideas transformadoras.
"Troya" é unha intervención audaz no espazo público que opera baixo o manto da noite, sen previo aviso aos residentes. En prazas icónicas de cidades asediadas por millóns de turistas, eríxese a silueta dun cabalo de Troia. Esta estrutura, apenas perceptible durante o día grazas ao seu deseño con cable transparente, só revela a súa presenza cando cae a noite a través da iluminación LED, nun momento en que a maioría dos residentes xa están a descansar.
A obra transmútase nunha poesía visual cando o sol se pon, dedicada á dualidade do turismo masificado: un regalo de dúbida natureza que, aínda que promete enriquecemento e intercambio cultural, ameaza con transformar as nosas cidades en meros parques temáticos, desbotando a súa esencia e identidade. "Troya" é un chamamento á reflexión sobre o impacto do turismo nas nosas cidades, unha invitación a mirar máis alá do que se ve á primeira vista e a descubrir o que realmente acontece cando a cidade durme.
Abaixo, fotografías exemplos do impacto visual.
Porto, Portugal
Dubrovnik, Croacia
Roma, Italia
Santiago de Compostela, España
Barcelona, España
Lisboa, Portugal
Venecia, Italia